Saygılı Kopkuylular hem Gagauziyanın yaşayannarı, bütün üürektän kutlêêrız sizi Hederlez yortusunnan. Adêêrız hepsinizä saalık, zengin bereket, uzun ömür, büük kısmet. Bu gün nicä dä herzaman, sofranız olsun dolu, kefiniz şenni, yandakılarınız sevindirsin sizi sade gözäl mutlu duygularlan!
«Hederlez» bizim dedelerimizdän kalma bir yortu. En büük hem maanalı milli yortuların biri. Evel vakıtlardan gagauzlarda yıl ikiya bölüner. Sayılêr ani hederlez günündä yaz vakıdı başlêêr. Dedelerimizdän bizä çok nişan kaldı, angıları bu gün kullanılêrlar. Ilerdän bu gündä koyunnarı çobana verärmişlär hem tarlaların ekmesini başararmışlar. Bu büük milli yortuda kurbannar kesiler hem veriler. Hederlezdä kesileer küüyün kurbanı, stönozluk kurbanı, yapılêr kurban ekmää hem kurban bulguru.
Hederlez yortusunu bütün Gagauziyalan barabar biz dä kutlêêrız. Sizin dikkadınıza isteeriz göstermää Hederlez adetlerin bölümünü: nesoy yapılêr hem iliştiriler kurban bulguru, uşaklar da eşil otun üstündä oynu oynêêrlar. Buyurun da seeredin! «Hederlez» yortunuz kutluca olsun!