Paalı yaşayannar, küülülär, eveldän «Kasım» gagauzların en büük yortuların biriydir.
     «Kasım» geldikçä çorbacılar çobandan koyunnarı ayırêrlar, evä getirerlär. Evel sa koyunnarı yazlıklardan kışlalara geçirärdilär, çobannarlan hem çıraklarlan esapları kapadardılar (ödeşärdilär). Ozamannar para insanda siirek olduu için, çobanın istediinä görä, onunnan ekinnän yada fulkaylan (bıyaz ekınnän) , ya boodaylan, ya papşoylan yada ikisinnän bilä ödeşärmişlär. Bunndan sora çobnnarlan enidän annaşarmışlar, da «Hederlezdä» koyun sürülerini onnara verirmişlär. Bu adet büünkü gün da bozulmadı.
     Bu günü ortodoks hristiyannarı ayoz Dmitriy Solounskiyi anêrlar. Dımaları, Mitileri günnerinnän kutlêêrlar. Insannar için «Adanmış Kurbanı», «Steonuzluk Kurbanı» hem «mal saalı için» da «Allahlık Kurbanı» kesiler yada diri veriler.
    Beşgioz küüyün primariyası herbirinizi, küüyümüzün herbir aylesini kutlêêr «Kasımnan». Adêêrız karşılamaa «Kasım» yortusunu tatlı, sıcak hem umutlu duyguylan. Önümüzdeki kış olsun uygun ki Allah versin tarlalarımızda käämil bereket. Eni başarlarınız ilerlesin, çeketmeleriniz mutlu sonuna etişsinnär. Aylelerinizdä yaşasın sade sevgilik, saygılık, mutluluk hem varlıklık. Mitilerä dä, Miticiklerä dä adêrız uzun ömür, ruhunuz olsun kaavi, aylenizdä olsun annaşmak, dolayınızda da sade açık üürekli insannar!
   Yortuylan sizi paalı kopkuylurar!

   Saygıylan,
   Beşgioz primariyası.